Флэт уайт кофесі дегеніміз не және оны қалай дайындау керек?

Флэт уайт 1980 жылдары Австралияда немесе Жаңа Зеландияда ойлап табылған: елдер арасында сусынның отаны деп аталу құқығы үшін әлі де даулар бар. Австралиялықтар мен жаңа зеландиялықтар әдетте кофені «қара» (black), — сүтсіз, — және «ақ» (white) — сүтпен деп бөлетін. Дәл осындай белгілеулер XX ғасырда еуропалық иммигранттар ашқан Сидней, Мельбурн және Оклендтегі алғашқы кофеханалардың мәзірінде пайда болды. Келушілерге ыңғайлы болу үшін эспрессо «шорт-блэк» (қысқа қара), американо «лонг-блэк» (ұзын қара) деп аталынды, ал «уайт» (white) сөзімен сүт қосылған кофенің барлық түрлерін атайтын.

Кафе иелерінің — Еуропадан шыққан адамдардың — түсінігінде «ақ» кофе сусындарының қатарына дәстүрлі капучино мен латте кірді. Бірақ австралиялық және жаңа зеландиялық сиырлардың сүті майлы болғаны соншалық, капучинодағы көбік тым тығыз және көлемді, үлкен ауа көпіршіктері бар болатын болып шықты. Ал латте өз кезегінде кофехана қонақтарына жеткілікті түрде қанық және айқын емес болып көрінді. Сонымен қатар, көбік қақпағы үйреншікті емес болды және кофе дәмінен ләззат алуға кедергі келтірді: өйткені үйде австралиялықтар мен жаңа зеландиялықтар френч-прессте қанық кофе дайындап, қалауы бойынша саптыаяққа аз ғана сүт қосатын.

Маркетолог және кофені қатты жақсы көретін Питер Томсонның айтуынша, жаңа «ақ» сусынның атауы кофехана қонақтарының бірі капучиноға қарағанда аз, бірақ латтеге қарағанда көбірек көбік жасауды сұрағанының арқасында пайда болды. Бариста қонаққа сүт пен көбік аз мөлшері бар эспрессо берді. Келуші оны «жалпақ ақ» — флэт уайт деп атауға шешім қабылдады. Ақ — себебі ол сүтпен, ал жалпақ — себебі кейбір елдерде көпіршіксіз сусындарды осылай атайды.

Флэт уайт кофесінің стандартты порциясы қос эспрессодан, ыстық сүттен және сүт көбігінің жұқа қабатынан тұрады, ал көлемі бойынша 150-180 мл-ге тең. Сусынның айрықша ерекшелігі — жарқын, айқын дәмі мен сүттің аясында басым болатын кофенің көп қырлы хош иісі.

Классикалық флэт уайт  рецептісіндегі кофе мен сүттің пропорциясы 1 2-ге: 60 мл эспрессо мен 120 мл сүт. Ингредиенттердің осы арақатынасының арқасында сусын өзіне тән бай дәм мен хош иіске ие болады.

Флэт уайт үшін сүт көбігін қол капучинаторымен, френч-пресспен немесе стимермен — ішінен бу берілетін кофе машинасына кірістірілген түтікпен көпіршітіп шайқауға болады. Қаймағы алынбаған, майлылығы 3,2% болатын сүтті алған дұрыс. Көбік серпімді, дұрыс жібектей құрылымды болып шығу үшін сүттің температурасы 60 °C-тан аспауы керек және оны кішкене ауа көпіршіктері пайда болғанша көпіршітіп шайқау керек. Дайын болған кезде — ыстық эспрессо бар шыныаяққа ақырын құйыңыз.

Сусынның негізін тек кофе машинасында ғана емес, сонымен қатар туркада немесе еритін кофеден де дайындауға болады. Мұны істеу үшін 1 шай қасық кофе мен 30 мл ыстық суды араластырып, содан кейін көбік пайда болғанша алдын ала көпіршітіп шайқалған 150 мл сүт қосу жеткілікті. Мысалы, флэт уайт үшін ұнтақталған Арабика дәндері қосылған жарқын және бай NESCAFÉ® Classic немесе қуырмасы арнайы «алтын» болатын Арабика дәндерінің арқасында пайда болатын теңдестірілген дәмі мен көп қырлы хош иісі бар NESCAFÉ® Gold тамаша үйлесімді болады.

Қазіргі кезде флэт уайт кофесінің бетіндегі көбігі «жүрекке» ұқсайтын өрнекпен безендіріледі. Өз пішінінің арқасында өрнек кофе крема́сын шыныаяқтың қабырғаларына «итереді», сондықтан бірінші жұтыммен кофенің айқын дәмін сезінуге болады, содан кейін ғана — сүттің тәттілігін. Енді бұл флэт уайт қой — ең алдымен кофе ноталарының дәмін көру үшін! Сондай-ақ, сусынның бетінде дәстүрлі «қызғалдақ» немесе «розетта» және одан да күрделі суреттер бейнеленуі мүмкін.

Флэт уайт тіскебасарлардан немесе десерттерден ешқандай сүйемелдеуді қажет етпейді: бұл сусынның әр жұтымын оның дәмі, хош иісі және жібектей құрылымынан ләззат алып, сүйсіне сезінеді. Егер флэт уайт қасына тағамнан бір-екі нәрсе таңдау керек болса, онда сары майға пісірілген круассандар, майқоспа пісірілген нан-тоқаш, даршын қосылған тоқаштар, чизкейк, лимон қабығы бар бискотти печеньесі немесе үлпілдек веналық вафлилер өте үйлесімді болады. Тіскебасарлардан сіз сары май жағылған тосттарды, ірімшікпен бутербродтарды немесе жай ғана жұмсақ ірімшікті таңдай аласыз. Флэт уайт шыныаяғы ботқа мен омлеттің, құймақтың, сүзбелі құймақтың немесе сэндвичтің барлық түрлерін керемет толықтырады.

Флэт уайт, раф, латте, капучино — бір қарағанда, бұл кофе сусындары сүт көбігі мен кілегейлі дәмінің арқасында ұқсас. Дегенмен, кофенің осы төрт түрінің арасында айырмашылықтар бар, біз оларды төменде қарастырамыз, осылайша сіз көңіл-күйге сәйкес сусын таңдай аласыз!

Флэт уайт пен капучино арасындағы айырмашылық

Флэт уайт пен капучино арасындағы айырмашылық — эспрессо мөлшері, дәмдік ерекшеліктері және көбік:

• флэт уайт екі порция эспрессомен (60 мл), ал капучино — бір порциямен (30 мл) дайындалады;
• флэт уайт дәмінде кофе басым, ал капучинода кофе мен сүт бір-бірін «теңестіреді»;
• флэт уайт бетіндегі көбік капучиноға қарағанда жұқарақ:  0,25 см және 1 см;
• флэт уайт бетіндегі көбік капучино көбігімен салыстырғанда өте үлпілдек емес.

Флэт уайт пен латте арасындағы айырмашылық

Флэт уайт пен латте арасындағы негізгі айырмашылықтар — көлем, дәм, сүт мөлшері және көбік қалыңдығы:

• флэт уайт стандартты порциясының көлемі латте порциясынан аз: 150-180 мл және 250-300 мл;
• флэт уайтқа азырақ сүт қосылады: 120 мл және 150 мл;
• эспрессо екі еселенген порциясының (60 мл) арқасында флэт уайт дәмі мен хош иісінде кофе басым болады, ал латтеде (эспрессо порциясы 30 мл болатын) сүттің нәзік дәмі басым;
• флэт уайт бетіндегі көбік латтеге қарағанда екі есе жұқарақ: 0,25 см және 0,5 см.

Флэт уайт пен раф-кофенің айырмашылығы

Флэт уайт және раф кофесі құрамы, дайындау әдісі және дәмі бойынша өзгешеленеді:

• флэт уайт дайындау үшін 60 мл эспрессо және 120 мл сүт, раф-кофе үшін — 30 мл эспрессо, 100 мл 10% кілегей және қанттың екі түрі қолданылады;
• флэт уайт үшін сүт бөлек көпіршітіп шайқалады, раф үшін барлық ингредиенттер бірден араластырылады;
• флэт уайт дәмі мен хош иісінде алдыңғы қатарда кофе, ал рафта ванильді қант пен кілегейдің арқасында кофе ноталары соншалықты бай емес;
• флэт уайт үшін көбік бөлек дайындалады, ал раф үшін ингредиенттер бірге көпіршітіп шайқалады.